पंचतन्त्र की कहानियां !

Dosto aaj ke jamane me shiksha bahut hi jaruri ho gya, maine pichle post me जीवन में शिक्षा का महत्व ! par ek post likhi thi, agar aapko zindagi me kuch karna hai aur aage badhna hai to shiksha bahut jaruri .Lekin dosto mai aapse ye batana chahta hu ki shiksha to bahut log praapt kar lete hai parantu uska sahi istemaal nhi kar paate aur apne raaste se bhatak jaate hai, wo actually decide hii nhi kar paate ki hame kya karna chahiye aur kai log to aise hote hai jo padh-likh kar bhi murkhata karte hai.

To dosto aaj jo mai aapko kahaani sunaane ja rha hu jo ki inhi pe based hai, ki kaise itne budhimaan log apni murkhta ke kaaran apni jaan gwa baithte hai,to ab mai kahani start karta hu. ye kahaani hai “panchtantra ki kahaani” ki jo ki bahut hi mazedaar hai, aapko kaafi pasand aayegi.

Ek baar ki baat hai ek gaaw me chaar brahman rahte the, jo ki bachpan se ek saath bade huye the. chaaro brahmno me bahut achhi dosti thi wo jo bhi kaam karte saath mil kar hi karte the. In chaar brahmano me se tin to padhne-likhne me lage rahte the aur ek jo tha jiska naam tha birju usko padhaai se koi matlab nhi tha wo din bhar sota tha aur ghumta tha uske is aadat ki wajah se baaki tino dost bada dukhi rahte the, un logo ne usko bahut samjhaya lekin wo kisi ki baat ko maan ne ke liye taiyaar hiii nhi tha.

Bahut din bit gye aur phir wo tino brahman padh-likh kar vidwaan ban gye aur wo chautha yaani ki birju waise ka waisa hi tha . phir ek din wo tino dost ek saath mile , to unme se ek bola ki kyun na hum sahar ja kar apni kismat chamkaaye, jo kuch bhi humne kitaabo me padh kar gyaan liya hai uska laabh hame gaw me nhi mil sakta iske liye hame baahar nikalna hoga. ye baat sunkar baaki dono bole baat to tum bilkul sahi kah rahe ho, to phir unme se ek bola lekin hum apne saath apne mitra birju ko lekar nahi jaayenge wo to bilkul gawaar hai, hum par wo bojh hoga, ye baat sunkar tisra bola ki ye baat to thik ki usko kuch aata-jaata nhi hai lekin hamara bachpan ek saath gujra hai isliye hum usko yaha chod bhi to nahi sakte, chahe jo ho usko bhi le chalte hai, jo hum log kamayenge ussi mese usko bhi kuch de denge. ye sunkar baaki dono ne bola thik hai jaisi tumhaari marzi .

Is tarah wo chaaro sahar ki wor chal diye, phir kuch door chalne ke baad wo ek jungle me pahuche jo ki us raaste me padta tha. phir chaaro brahman us jungle me gye aur kaafi andar jaane ke baad unko achanak ek haddiyo ka dhacha dikhaai diya, ye dekhkar wo log waha pahuche unme se ek ne kaha ye haddiya to babar sher ki lagti hai, to phir ek ne kaha ki kyun na hum apni gyaan ki pariksha yahi lele ye sunkar tino ne kaha chalo thik hai. phir kya tha unme se ek ne bola ki mai iss haddiyo ko ekatha kar ke kankaal ka rup de sakta hu, to phir doosre ne kaha ki agar tum kankaal khada kar sakte ho to mai isme twacha aur maansh peshiya bhar sakta hu, ab tisre ki baari thi usne kaha agar tum dono ne apna kaam thik se kar diya to usme jaan daalne ka kaam mera. tino brahman ki ye baat sunkar birju dar gya aur wo sochne laga ki kahi ye paagal to nhi ho gye agar sach-much ye haddiya sher ki huyee to anarth ho jayega.

phir kya tha shantanu ne haddiyo ko jodkar kankaal bna diya aur bahut khush huwa aur bola dekha maine kaha tha n ki ye haddiya sher ki hi hai , to tisre ne bola tum sach me bahut vidwaan ho saantanu ab dekhte hai chandar kya karta hai, ab chandar ki baari thi usne kaha dekhte jaao mai isme kaise twacha aur maansh peshiya bharta hu aur ye kahkar wo apne kaam me lag gya, phir usne bhi apni vidya se us kankaal me twacha aur maansh peshiya bhar diya ab us kankaal ne sher ka rup le liya tha ab kami thi to bs usme jaan daalne ki. ye dekhkar unme se ek ne birju se bola ki kya tumhe ab nhi lagta ki tumhe bhi padhna chahiye tha to usne bola ki wo sab to thik hai lekin meharbaani kar ke isme jaan mat daal dena warna hum sab maare jaayenge. ye sunkar dusre brahman ne bola ki tum itne bade ehsaan pharamosh ho mujhe to pata hi nhi tha , jaante ho tumhe apne saath laane ke liye maine hi inhe manaya tha, to phir birju ne kaha lekin mera matlab wo nhi tha, tab usne bola lekin wekin kuch nhi ab meri baari aayee to tum mere kaam se peeche hatne ke liye kah rahe ho. ye sunkar birju ne kaha thik lekin pahle mujhe ped par chadh jaane do uske baad kuch karna, to usne bola ja darpok chadh ja ped par, tab birju gya aur turant ped par chadh kar baith gya .

ab tino brahmano ke kamaal se jaise hi sher me jaan aayee wo dahaarna suru kar diya aur phir uske dahaarne se tino brahman dar gye aur waha se bhagne lage lekin sher ke saamne se nikal paana bahut hi muskil tha, phir kya tha sher bhi unke peeche bhaga aur tino ko pakadkar kha gya aur wahi birju apni chalaaki ke kaaran bach gya. to dosto mai is kahaani ke jariye aapko ye message dena chahta hu ki koi bhi bada kaam karne se pahle achhi tarah soch lena chahiye ki iska anzaam kya hoga, kora gyaan vyarth hai, is liye koi bhi aisa kaam na karo ki jiska anzaam itna ghatak ho.

dosto mai aasha karta hu ki aapko ye kahni bahut pasand aayi hogi, isliye ise apne dosto ke sath share karna na bhule. Thank you and keep visting 🙂