dosto jaisa ki hum sab jaante hai ki aaj kal zamana bahut advance ho gya hai.agar dekha jaaye to pahle ke miqabale me duniya bahut advance ho gayi hai chahe wo education ho ya phir communication ya phir networking system ho. Dosto mai aapko batana chahunga ki aaj kal networking system bahut hi helpful ho gya hai ya phir kah lo ki without networking kuch bhi possible nahi hai. Education, business,transport, communication etc har ek line me networking zaroori hai. Aur dosto in sab system ka istemal hum kar paate hai iske peeche sabse bda haath hai scientist ka, inki wajah se hum nayee-2 technology ka anand uthate hai.To dosto aaj jo mai ye kahani likh rha hu ye bhi ek mahaan scientist ki hai.To aaiye hum us mahaan scintist ke baare me jaante hai jiska naam hai Sir Issac Newton. Sir newton ne apni soch ke dum par aise vaigyanik sidhaant diye jiska bina hum vigyaan ke baare me soch bhi nhi sakte hai.

Sir Issac Newton ke baare me batane se pahle hum aapko unke khoj ke baare me bta dete hai.Newton ne “law of gravity” yani gurutwakarsan bal ki khoj ki thi , unhone bataya ki gurutwa karshan naam ki ek sakti hai jo har chij ko apni taraf khichti hai. aur is baat ka unhe pta tab chala jab wo ek ped ke niche baith kar kuch soch rahe the tabhi unhone dekha ki ped se ek seb zameen par gira,unhone socha ki aakhir ye seb ped se niche hi kyun gira upar bhi to ja sakta tha. T abhi unhone “law of gravity” ki khoj ki.Aur dosto sabse aham baat issi gravity ki wajah se chandrama prithvi ka chakkar lagata hai aur prithvi surya ka chakkar lagati hai.Aur iske alawa unhone newton ki gati ke teen niyam yaani “law of motion” ki khoj ki thi, jiska prayog physics me sabse zyada kiya jaata hai.

To aaiye dosto hum newton ke life ke baare me jaante hai.Sir Issac Newton ka janm 25dec 1642 ko ek bahut hi gareeb pariwar me huaa tha. unhe apne pita ka pyaar nhi mil paaya tha kyunki unke duniya me aane se kareeb 2-3 mahine pahle unke pita ki mrityu ho gayi thi.Aur phir unke pita ke mar jaane ki wajah se unke ghar ki isthiti aur kharaab ho gyi thi kyunki unke alawa ghar me kamane wala koi nahi tha .newton janm se hi bahut kamjor paida huwe the aur unhe bacha paana lagbhag namumkin sa tha, lekin upar waale ne newton mahaan kaarya karne ke liye jinda rakha. newton ke ghar me unke maa ke alawa unke dada,dadi bhi rahte the jo ki bilkul budhe ho chuke the. Issan newton ka naam unke swargwashi pita ke naam par hi rakha gaya tha. Ghar ki haalat kharaab hone ki wajah se unki maa ne doosri shadi kar li, us samay newton 3 saal ke the.Newton ke sautele pita ko wo bilkul pasand nhi the isliye unki maa ne newton ko unke dada, dadi ke pass chod diya aur apne dusre pati ke saath rahne lagi. newton itne kamjor the ki unko bolne me bhi problem hoti thi aur saath hi saath bahut ziddi aur gusail swabhav ke the,isiliye unke koi dost nahi huwa karte the aur log unhe pagal bhi bolte the.Newton suru se hi chaand taaro ke baare me sochte the aur us se related question apne dada se puchte the lekin unke dada, dadi us sawal ka jawab sahi tarike se nahi de paate the kyunki us samay tak vigyaan me bahut kam khoj ho paya tha.
Sir issac newton ne 12 saal ki umra me school jaana start kiya aur unki suru ki padhai “the king’s school,grantham” me huyee. newton padhne me bahut hi kamjor the jiski wajah se unke dost unka mazaak banate the aur iss baat ko lekar har din unke apne classmates ke saath jhagda hota tha, yaha tak ki unke iss jhagde ki wajah se unko school se bhi nikaal diya gya. Aur phir issi beech unke doosre pita ki bhi mrityu ho gayi aur newton phir apni maa ke paas aa gaye. Ab unke ghar me income ka kai source nahi tha aur kharch chalana bhi bahut muskil ho rha tha, isiliye newton ki maa chahti thi ki newton ab kheti kar le aur ghar ka kharch sambhale, lekin newton ka man kheti me bilkul nahi lagta tha. Is baat ko lekar unki maa bahut dukhi thi phir unhone school ke principal se baat karke unhone newton ko phir se school bhejna start kar diya.newton ko phir se us school me daakhila mil gaya lekin iss baar unhone badla lene ki thani jiski wajah se unko school se nikala gya tha. Phir unhone badi siddat se padhai ki aur bahut jald hi unki geenti school ke toppers students me hone lagi. Waha se padhai puri karne ke baad unke ek uncle ke maadhyam se 1661 me unko “Trinity college, cambridge”me daakhila mila.waha wo apne ghar ka kharch chalane ke liye aur padhai ka fee bharne ke liye college ke amir students ke yaha kaam karte the.Issi beech 1664 me unko apne college se scholarship bhi mili, jiski wajah se unko apni padhai aur research ko puri karne me kaafi madad mili.Aur phir unhone college me hi 1665 me kuch mathematical law ka khoj kiya jisko baad me calculus ka naam diya gaya,1665 me hi unhone B.A. ki padhai puri ki. Aur aage ki padhai ke liye M.A. me admission lene ki sochi lekin admission ke samay hi london me plague ki bimaari faail gayi jiski wajah se sahar ko kuch mahino ke liye puri tarah se band kar diya gya tha,aur issi wajah se wo apni maa ke pass wapas aa gye aur ghar par hi agle do saalo tak “law of motion” aur “law of gravity” ke apne sidhanto par kaam karna suru kiya, aur dekhte hi dekhte agle kuch saalo ke kadi mehnat ke baad unko aakhir-kaar safalta mil gayee. Aur apne piche ek sabak bhi chod gaye ki agar paagal, gusail ladka apni zid pe aa jaaye to kuch bhi kar sakta hai.

To dosto ye thi hamari aaj ki kahani iss kahani se hame bahut kuch sikhne ko milta hai jaise koi bhi kaam kisi ke liye muskil nahi hota.Agar hum zid kar le ki hame isko har haal me pura karna hai, to hame koi nahi rok sakta us mukaam tak pahuchane me.

अगर आपके पास हिंदी में कोई story, article, biography, inspirational story या जानकारी है, और आप हमारे साथ share करना चाहते है तो कृपया उसे अपनी फोटो के साथ E-mail करें. हमारा email address है:- hellohindipro@gmail.com
अगर आपकी कहानी हमें पसंद आयी तो हम उसे hindipro पर आपके नाम और फोटो के साथ शेयर करेंगे ! Thanks!